चेतना समिति ,पटनाक विद्यापति पर्व समारोहक तेसर दिन (रिपोर्ट श्री सत्य नारायण झा)

विद्यापति पर्व समारोहक तेसर दिन
चेतना समिति ,पटनाक तत्वाधान मे विद्यापति पर्व समारोह रात्रि दिनांक १० -११ -२०११ क’ सोल्लास संपन्न भ’ गेल |अंतिम दिनक कार्यक्रम अन्य दिनक अपेक्षा बेसी रुचिकर छल | प्रारम्भ मे आदरणीया सुखदा पाण्डेय जी समारोहक उदघाटन केलनि |तत्पश्चात सांस्कृतिक कार्यक्रम भेल |आजुक कलाकार सभ नीक नीक गीत सभ गेलनि |हुनका लोकनिक मधुर आवाज सं बातावरण संगीतमय भ’ गेल | ओकर बाद नाटकक कार्यक्रम चलल | डा० विभा रानी द्वारा लिखल आ श्री कमल मोहन चुन्नू द्वारा निर्देशित ,मैथिली नाटक “मददि करू माता “क’ मंचन भेल |नाटक बहुत सुन्दर ढंग सं लिखल गेल अछि | नाटक मे व्यंग ,करुना ,घृणा ,संघर्ष तथा हास्य आदिक समाबेश छल जेकरा श्रोता करतल ध्वनि सं स्वागत केलनि |सुन्दर निर्देशन सं नाटक अत्यंत सफल रहल |आशुतोष अभिज्ञ क’ शैलवाला पुरूस्कार एबं रीतू कर्ण क’ कामेश्वरी देवी पुरस्कार ,नाटक मे सर्वोत्तम अभिनय क’ लेल प्रदान कयल गेलनि जेकर ओ हकदार छलाह | श्रोता अंत तक कार्यक्रम क’ रसस्वादन करैत रहलाह |प्रबंधन क’ छोरि सभटा नीक छल |